കോഫി കപ്പ്
ചുവന്ന ക്യുട്ടെക്സ് ഇട്ടു മനോഹരമാക്കിയ അവളുടെ നനുത്ത വിരലുകളാല് ഒഴിഞ്ഞ കോഫീ കപ്പിനെ കറക്കികൊണ്ടിരുന്നു...നിര്ന്നിമേഷയായി അവള് എന്റെ മുഖത്തുതന്നെ നോക്കിയിരിക്കുന്നു .."നീ കഴിക്കുന്നില്ലേ -" ഞാന് ചോദിച്ചു . "എത്ര നാളായിട്ട് നിന്നെ കാണുന്നതാ ഞാന്.... നിനക്ക് ഒരുപാട് മാറ്റമുണ്ട് .. വലിയ ആളായി നീ " .. ഒരു നെടുവീര്പ്പോടെ അവള് അവസാനിപ്പിച്ചു... ഞാനും ചിന്തിക്കാതിരുന്നില്ല കാലം അവളില് വരുത്തിയ മാറ്റം . പണ്ടത്തേക്കാള് സുന്ദരിയാണ് അവളിപ്പോള് . "വേഗം കഴിക്കു ..എനിക്ക് മോളെ സ്കൂളില് നിന്നും വിളിക്കണം" ഞാന് പറഞ്ഞു .. "മുന്പ് നീ എന്നോട് ഒരുപാട് വര്ത്തമാനം പറയുമായിരുന്നു ...എപ്പോഴും എനിക്ക് ഫോണ് ചെയ്യുമായിരുന്നു ..എന്താ നിനക്കിപ്പോഴും എന്നോട് ദേഷ്യമാണോ" ? ഏയ് ദേഷ്യമോ? നിന്നോടോ ? ഒരിക്കലുമില്ല... നിന്നോട് എപ്പോഴും പ്രണയം മാത്രമേയുള്ളൂ" പക്ഷെ ... അവള് കൈ കാണിച്ചു " വേണ്ട നീ ഇനി ഒന്നും പറയേണ്ട "
നിന്റെ ഭാര്യ എങ്ങനെയാ? സുന്ദരിയാണോ ? പാവമാണോ? ... എന്റെ ജീവനേക്കാള് എനിക്ക് പ്രേമം എന്റെ ഭാര്യയോടാണ് ചിരിച്ചു കൊണ്ട് ഞാന് മറുപടി പറഞ്ഞു.... ഒരിക്കല് നീ ഇതെന്നോടും പറഞ്ഞിട്ടുണ്ട് നിന്റെ ജീവനേക്കാള് പ്രേമം എന്നോടാണെന്നു.. സത്യത്തില് നിനക്ക് എത്ര ജീവനുണ്ട് ? എനിക്ക് നല്കാന് മറുപടി ബാക്കിയില്ലായിരുന്നു ........
Subscribe to:
Post Comments (Atom)
Popular Posts
-
മലയാള സിനിമക്ക്... ഒരു പക്ഷെ ലോക സിനിമക്ക് തന്നെ അന്യമായ പുത്തന് ആശയങ്ങളുടെ സമന്വയം ആണ് കൃഷ്ണനും രാധയും എന്ന സിനിമ .. കത്തി നില്ക്കുന്ന...
1 comments:
കുഞ്ഞെലിയുടെ കഥ കണ്ടാണിവിടെ എത്തിയത്. ഈ കഥ കൊള്ളാം !
Post a Comment